2019

GORPUTZ.EKIN MUGAK GAINDITU

AGEDA BLASCO EGIA
Gorputz.Ekin proiektuak gorputz-adierazpenaren bidez nortasuna miatzeko laborategi bat proposatzen du. Euren nortasunaren bila dabiltzan gazteei dago zuzenduta, zeinak nerabezaroaren (irekiera eta anbibalentzia) eta heldutasunaren (zorroztasuna) bide erdian baitaude. Mugako nortasun-miaketa horren prozesu komunitarioaren saioak Dantzagunea zerbitzuaren egoitzan izan ziren; hots, dantza ikasteko eta sortzeko prozesuak ahalbidetzeko Gipuzkoako Foru Aldundiak sustatutako zerbitzua.

Arte-bitartekaritzari esker, bidaia introspektibo eta zuhur honek eragin intimo eta sakona izan du parte-hartzaileengan, eta nortasun inposatuak eta boterearen genealogiak zalantzan jartzeko balio izan du, ez bakarrik maila pertsonalean, baizik eta talde-mailan ere, aldaketa garrantzitsuak sortzen dituen afektibitate-gaitasunaren impasse, aurkikuntza eta eklosio moduko bizitzaren fase batean.

Ageda Blasco Egia, Humanitate eta Komunikazioan lizentziatua, Ikasketa Feministetan eta Genero-ikasketetan dago espezializatuta. Gai hauen inguruko hainbat ikastarotan aritu da trebatzaile-lanetan, besteak beste: genero-eginkizuna eta -binarismoa, harremanak eta nortasuna (Zapalduen antzerkia deritzon teknika eszenikoaren eta gorputz-adierazpenaren bidez) eta psikologia-terapiak (Gestalt).

GALLERY

slide 1
slide 1
Image Slide 2
Image Slide 2
previous arrowprevious arrow
next arrownext arrow
Shadow

OTHER PROJECTS

  • TODO
  • PROJECTS